我哋成日讲：白天唔好讲人、晚黑唔好讲鬼。可能仲要加多一句：补时阶段唔好讲利华古逊。上个赛季开始到而家啦，已经喺12场比赛当中的下半场补时阶段绝和或者绝平，一定要留意佢哋嘅后手能力。

沙比阿朗素留守，跟住夺冠班底亦都基本留用，所以见到新赛季，赢波总算系有惊无险。上个赛季两个循环啦，全部都系3 : 2险胜莱比锡，利华班球员当然就信心十足。喺欧洲杯表现唔算太抢眼嘅韦特斯，第一场就梅开二度并且有绝杀。不过要讲翻上一场作客挑战耶拿去踢德国杯，球队系有收收埋埋，有冇尽全力亦都系另外一个问题。

莱比锡就自从升入德甲之后咧，一路都成为德甲中坚嘅力量。尤其系有比较健康嘅投入，同埋发掘球员嘅眼光啦。佢哋甚至乎其实喺上个赛季之前，风头系劲过利华古逊。主教练马高-路斯亦都系德甲老油条，执教经验丰富。

球队衣家前锋重心，就系奥宾达，上个赛季就包揽球队比较多嘅入球数，同时有比较稳定的输出。但系场波有个主力后卫韦利-柯宾，由于德国杯嘅红牌，佢需要停赛。整体嚟讲利华古逊，由于维持翻固有嘅班底以及主教练喺度，所以我哋都期待场波继续可能喺入波比较多，利华古逊可以力压赢低莱比锡。